träne us iis


 

mit langsame schritte nächert sech dr winter

 

gsehne scho vo witem biser wider hinder de rotä bletter

 

verschwindet göhrsch wi d stadt ruhiger wird

 

merksch du wi weni du plötzlech gsehsch

 

 

 

di chauti brise im gsicht d ougä haub verschlosse

 

so viu versproche u versprächä wider broche

 

d luft dick u schwär weu d bletter lige ufm wäg

 

wed dr herbscht gsehsch gah isch dr winter nüm wit wäg

 

 

 

wenn plötzlech d gfüeu u d schmätterlinge verschwinde

 

u du di nüm exakt chasch erinnere was mir hei gsunge

 

was mir hei gseit u gseh wo mir id sunne hei gluegt

 

wenn du nüm vor ougä hesch was du eigentlech suechsch

 

 

 

d ougä wärde füecht üsi entfährnig gross u trüeb

 

zwüsche üs ä näbu schicht wo mi di nüm laht la gseh

 

d wuuche zieh verbi heimer üs verlohrä

 

odr wärde mir üs kunftig widr gseh irgendwo

 

 

 

schwäri träne roue übr ds gsicht

 

när wärde si zu iis jedi einzelni zerbricht

 

schärbe bringe glück aber sicher no nid hüt

 

drum warte ih uf morn villech chunsch ja zrüg

 

 

über dir e schwäri tilli wine gschlossne sarg

 

so dick das jeglechi transparänz usgschlosse wird

 

du wetsch flüchte mitemne körper ohni chraft

 

gfangeni gedanke dis härz wird zure lascht

 

 

 

d antwort uf die stiui hesh spetischtens we dr schnee gheit

 

liechti flocke sinnbiudlech für d summervögu wo du liebi hesch

 

gnennt aber dr chopf immer no gägä bode gneigt

 

da hiuft nidemau meh gloube du hesch verseit

 

 

 

tröim vo letscht nacht verschwunde

 

dr chaut körper bedekt mit schmärzhafte wunde 

 

so füeht sechs ah we di gschworeni unedlechkeit ändet

 

u plötzlech fliesse tränä us de wässerige ougä

 

 

 

wiso chani mi nüm erinnere a di schönä biuder

 

a di texte woni für di ha dichtet üsi glückleche gsichter

 

es schmöckt bitter vergässeni zite

 

i cha nume hoffä u bitte dasi di widr ahtriffe

 

 

 

schwäri träne roue übr ds gsicht

 

när wärde si zu iis jedi einzelni zerbricht

 

schärbe bringe glück aber sicher no nid hüt

 

drum warte ih uf morn villech chunsch ja zrüg