tagebuech


ja i weiss um üs ume labere aui scheiss

u i wets ja nid verneine i kennes ja o seuber

i weiss uf dere wäut louft viu fuck

abr chum mir mach das wonis glücklech macht

 

lug i choche dr znacht u nehr esse mer zeme

i cha nid huere guet choche abr irgendeppis bringi here

chum mir male biuder womer niemer anderem zeige

chum mir schribe gschichte womer niemerem verzeue

 

chum mir rede über sache womer mit kem andere drüber rede

chum mir häbe üs so d händ wimer ke anderi hebe

chum mir lige näbä nand so lang wi no näb keim andere

chum mir vergässä dr autag u düe wäut uszblände

 

chum mir luege üs id ouge villech finde mr ja e sinn

chum mir rede über früecher wimer gläbt hei aus chind

chum mir spile zeme spiu u wette wär das gwinnt

chum mir philosofiere drübr was läbe bringt

 

 

u am schluss vom tag dänki nur no dra

ob mi name i dim tagebuech schteit 

während i mit hundert verschidne farbe di name i mim tagebuech umkreise

 

u am schluss vom tag dänki nur no dra

wäm du aues vo mir verzeush

während i mi dra erinnere mit wem i hüt scho aues uber di ha gred

 

 

 

 

chum mir mache zeme musig u singe zeme popsongs

chum mir luege zeme fiume mit chips u popcorn

chum mir lache zeme über enang und üs säuber 

chum mir luege zeme usm dachfänschter

 

u beobachte ir nacht d stärne u dr mond 

u überlege üs wasme din chönt gseh

chum mir diskutiere übr z universum u gott

chum mir rede übr z läbä u übere tot

 

villech wüsse mr de was mir gloube u vo was mir tröime

villech chöimer de mau vonenand sege das mir üs kenne

villech wüssä mir de was üs verbindet

villech chöimer üs no viu speter dra erinnere

 

was mir hüt hei gmacht u wasmer morn erläbä

villech chöimer irgendeinisch vo liebi rede

villech luege mr üs denn no id ouge

u wüsse mir chönte üs o blind vertroue

 

 

u am schluss vom tag dänki nur no dra

ob mi name i dim tagebuech schteit 

während i mit hundert verschidne farbe di name i mim tagebuech umkreise

 

u am schluss vom tag dänki nur no dra

wäm du aues vo mir verzeush

während i mi dra erinnere mit wem i hüt scho aues uber di ha gred

 

u villech luegi i par jahr i dis tage buech 

u finde mi name zwüsche sitelänge tegschte

villech farbig umkreist u villech mit hundert wunderschöne wörter umschribe

 

u villech luegi di de ah mit träne i de ouge säge 

 

villech sägi irgendeinisch danke