23.11.16


 

während sie id lääri starret u sich probiert  z erinnere a geschter

steutsi sich d frag wiso sie die biuder het vergässä

sie chunt nüm klar mit de sache wosi säuber het erschaffe

versteit di handlige nüm wo si immr het weue mache

si gseht dr sinn nüm i irne versprächä

u plötzlech ish d wahrheit nüm ganz so wichtig

ihres gsicht unerkennbar hinder dr maske

wosi säuber het bashtlet

abr mä gseht di gliche ouge dür di kreisförmige löcher

sie het hundert mau ufgschribe was si het verlohrä

d gfüeu beshtätige se abr nid ihri lishte

sie het mau gseit es wär ihre wichtig

sie fragt sech wiso das dr schmärz ds nid zrüg git

si het so viu ziu gha sich so viu vorgnoh

het weue d wäut verändere si het so viu vorgha

si het gseit mir mache d wäut zu eirä ganze famillie

riise plän gschmidet u vergässä z liebe

aber verstange het sies ersh hüt

u verstah wirsh dus ersh morn

weu geshter ish dr ougeblick

z flüchtig u so shnäu verbi gsi

u si het tagelang ghungeret nur für sich öppis z bewiise

u het drbi vergässä us stärblächä körper wärde liche

us eigenter chraft öppis gmacht wosi nid het verdient

u jede abä weni i himmu luege dänki ah sie

wöu frage steue plötzlech nüt me bringt

wenn bis id unändlechkeit ke antwort z erwarte ish

jede gsund mönscheverstand weis das i se nieh me gse

abr es ish no nie so schwirig gsi e hoffnug ufzgäh

abschiid näh ish no nieh eifach gsy

abr no schwiriger ishes wenns niehmer meh ghört

irgendeinish wirdis ihgseh zite göh verbi

abr erinnere wirdi mi glich a sie

wi söunsi öppis veränderä we si nüt me i dr hand het

u wi söui für sy da sy we si nüt meh ghört

es duet so weh z gseh weli mönsche wäg si

abr i wet das sie weiss i hase immer gliebt yasmin

aber verstange het sies ersh hüt

u verstah wirsh dus ersh morn

weu geshter ish dr ougeblick

z flüchtig u so shnäu verbi gsi